Aizawl: Sakawrtuichhun Branch YMA Hall thar Mualzavata Hall-a YMA Day vawi 84-na ah thu sawiin MLA?Zodintluanga chuan, “Ka pa thil min chah ka hriatreng chu dikna, rinawmna leh taimakna hi a ni. Min chah fo chu ‘kan dika kan rinawma kan taimak chuan khawvelah harsatna kan nei ngai lo ang’ tih hi a ni,” tiin a sawi.

Eptu MLA chuan hall thar a hawn inkhawmah "Mi hnuaia kan thawk a nih pawhin heng dikna, rinawmna leh taimakna hi kan nei tlat a nih chuan mi hnuaia thawk kan nih pawhin a neitu angin kan awm anga kan harsa ngai lo anga kan rethei ngai hek lo ang," a ti.

MLA chuan Social Media chu khawvel ken a nih tawh avangin inkhap loin inzirtir a tul tawh tih a sawi a. Social Media-a kan hmuh zawng zawng finfiah hmasa loa lo awiha mite diriamna atana kan hmang thin chu kan kalsan a hun thu a sawi bawk.

Sakawrtuichhun Branch YMA Hall hi UD&PA Dept kaltlangin sak zawh a ni a, mi 300 leng tura duan niin Committee room leh changing room te a hnuai lamah sak a ni bawk a, cheng nuai 47 senga sak a ni.