ZALEN June 10, 2024; 'Ride to clean air’ tih thupuia hmanga thirsakawr hmanga India ram fang mektu, Vanlallawmzuala Varte (LZa) s/o VL Chhuanawma, Mission Veng chu vawiin thlengin km. 10,287.56 a in khalh tawh a, Aizawl atangin Delhi a thleng tawh.

Lz-Varte hian state 17 (Bihar a tlan tlang nen state 18 bakah, a tlan tanna Mizoram nen, state 19) a tlan tlang tawh a. A tlan dan chu cycle-a a tlan ni zawng zawng 108 niin, ni 137 (thla 4 leh a chanve) a thang tawh a, nimin khan Delhi a thleng a, nizan khan Mizoram House Vasant Vihar, New Delhi-ah Delhi Mizo Welfare leh Delhi Mizo Zirlai Pawl te kaihhruaina in LZ-a hi an lo hmuak a ni.

Tarlan tawh angin, Lz-a hian nikum May thla khan Lailapur, Assam atangin Mizoram chhim tawp, Khaikhy thleng ke ngatin a lo kal chhuak tawh bawk a, km 623 hi ni 18 leh darkar 13 chhungin a thleng hman a ni. Ke a a kalna ah khan faina chungchang tlangaupuiin, bottle 7,000 chuang a chhar a, chung bottle te chu khaw tin bawlhhlawh paih na hmunah a paih a ni.