ZALEN Oct 14, 2024; Mizoram Middle School Teachers' Assn. (MSTA) leh Mizoram Primary Teachers' Assn. (MPTA) chuan October ni 18, 2024 atangin mid day meal an buatsaih thei tawh dawn lo.

MSTA leh MPTA te'n PM Poshan Cook lawmman leh Material Cost dawn loh vanga harsatna chungchang School Education department Director hnenah ziakin an thlen a, chuta an tarlan danin, Cook honorarium chu April leh May, 2024 atan an dawn tawh laiin, an harsatna pui ber Cooking Cost leh Cook honorarium an mamawh ang an la dawn loh avangin, hreh tak chungin October ni 18, 2024 hnu lam atangin mid day meal an buatsaih thei tawh dawn lo tih an tarlang a.

Hetiang em a thlen lohna turin an harsatna te sutkian sak turin an ngen bawk.