Aizawl: Higher & Technical Minister Dr. R.Lalthangliana chuan, "Mihring hi kan hrisel loh chuan sum leh pai ngahin awmzia a nei lo a ni," a ti.

College of Veterinary Sciences & Animal Husbandry, Central Agricultural University Selesih ten Zirtawpni kaltaa '21st Annual College Week 2022-2023' kharna hun an College Auditorium-a neih a hmanpuina ah he thu hi sawiin Dr. Thangtea chuan kalkhawmte chu hriselna lama invawng thianghlim turin a chah a. "World Bank-te dawra Japan ram ka kal khan, an damreina chhan ber ka zawt a, exercise lak hi vitamin tha tak a ni tih min hrilh a, ke in an kal tam a, two wheeler leh Motor-te chu tha tak tak nei mahse, an office leh an hna kalna km 4/5 vel pawh ke in an kal lui zel a, tui hi nikhatah litre 3/4 aia tlemlo an inziah bawk a, chi-al hi an ei tlem hle a ni," a ti. Khuallian chuan Mizoram chu India rama State ralmuang ber a nih thu te, Mizoram chu Kerala dawta literacy rate sanna ber a nih thute a sawi bawk.

College of Veterinary Sciences & Animal Husbandry hi Feb. 20th,1995 khan din a ni a, B.V.Sc & A.H.Degree course chu 1997 khan batch hmasa ber zir theih a ni a, 1998 atang khan class an tan a. Tunah hian BVSc & AH, MVSc leh PhD zirnate a awm mek a. Assam tih loh North East State hrang hrang atangin zirlaiten zir nan an rawn hmang bawk a. He ta 20% seat hi PG leh PHd zir turin All India level a ni tawp a ni. Residential College-ah hian Doctor zirlai 440 awmin faculty 53 an awm mek a, non-teaching staffs engemaw zat an awm bawk. Seat hnih hi Kashmiri migrant tan hauh a ni.