Mahni puala sum hlawm lian deuh thawh chhuah hmasak ber tum hi a nuamin mi a tiphur thei em em a ni. Hlawhtling tura kan zinna lamtluang thlengin nghawng lian tak a nei thin a, chu kan pawisa hlawh chhuah chu thil ho lam mai mai lei nan kan phal ngai meuh lo bawk. 

Nang engtiangin nge i hman ve le? Sum kan thawhchhuah hmasak ber kan hman duh dan chu a inang vek kher lo ang a, thenkhat chuan thian te nen party hmanga lawm an duh laiin thenkhat chuan mahni chhungte puih nana hman an duh bawk ang. Thenkhat leh chuan sum thawhchhuah hmasa ber hmanga hriatreng tur thil lei ngei an tum ngei bawk thinin a rinawm. 
    Chutiang deuh chuan tun tumah pawh hian milar (celebrity) 8 ten an pawisa thawhchhuah hmasak ber hmanga an thil lei hmasa ber kan thlir ho dawn a ni. 
Rupert Grint
 “Harry Potter” film-a Ron Weasely lema thiam taka changtu, Grint khan a sum thawchhuah hmasak ber hmangin ice-cream truck a lei hmiah. Lemchan a luhchilh hma chuan Rupert hian ice cream zuartu nih a chak ber thin  a, chu a thil chak chu tih puitlin ngei tumin hma a la a, ice cream truck a lei hnu hian Rupert hian hun eng emaw chen chu ice cream hi a zuar nghe nghe. Mahse hun an kal deuh hnuah chuan a thil tih chak em em thin ice cream zawrh chu a bansan thei ta a ni. 
Nicole Kidman
Hollywood star hmeichhe hmeltha ber zinga mi Nicole Kidman hian a sum hlawm thawhchhuah hmasak ber chu a ma pualin a hmang duh mai lo a, hun harsa a tawh chang a puitu leh hlawhtling tura a beihna kawnga pui thintute puih let nan a hmang a, a sum thenkhatin hmangin a chhungte washing machine a lei sak bawk. Chuta a sum hman bang te chuan a ma pheikhawk tur boot a lei a ni. 
Kelly Rowland
Zaithiam Kelly Rowland-i’n a hlawh a lak hmasak ber hian ngaihtuahna danglam tak a nei a, grocery dawr-ah kalin hun kal tawha a nuin ei tur man to tia a hrilh thin, an chhungkua-in a an ei phak ngai loh ho zawng zawng chu a vaiin a lei hmak. Chutianga a nu-in an ei phak loha a ngaih thin, chaw chi hrang hrang a lei ni chuan amah pawh a lawm viau a niang, “Khami nia ka lawm dan kha ka sawi chhuak thim lo hial a ni,” a ti. 
Johnny Depp
 Johnny Depp pawh hian a naupan laiin hun harsa tak tak a tawng tam thin hle a, a chhungte chuan hmun hrang hrangah an pem kual pui a, an chhungkaw eizawng tu ber a nu chuan hna hniam te te hmun hrang hrangah a thawk kual thin a ni. A nu thawh rim dan hriain a sum  thawhchhuah hmasak berin, an eitur hlawh chhuak tura nitin buai reng renga hun hmang  thin, a nu tan sakawr mawi tak a lei sak hmiah. 
Rami Malek
Mr. Robot star Rami Malek pawh hian a sum thawhchhuah hmasak bera a lei tur hi a chiang hle a. He actor hi coffee ngaina em em tu a ni a, tichuan a sum thawhchhuah hmasa ber hmang chuan coffee machine a lei hmiah. Rami hian coffee hi a ngaina satliah mai nilovin a addict hial niin a hria a, coffee machine a lei chuan a puih ngei a ring a ni.
Jennifer Lopez
Jennifer Lopez-i hian audition a neih apiangin a Honda car hlui tawh tak chu a hawl chhuak ve ziah a, a zaina atanga a sum hlawm lian hmuh hmasak ber hmangin a car hlui tawh tak thlak nan Mercedes car mawi zet a lei hmak. Chumi lei tura showroom a kalni te chu tun hnu thlengin a la mitthlaah a la cham thin niin a sawi. 
Cindy Crawford
Cindy Crawford hi khawvel-a supermodel lar ber pakhat a ni a, thawmhnaw ngaina awm tak si kha a sum thawhchhuah hmasa ber chu thawmhnaw leh pheikhawk lei nan a hmang phal lo. Thawmhnaw aiah in cheina tur wallpaper a lei hmak. He supermodel hian a phak tawka mawia an in chei chu a thupui ber a ni.
Matt LeBlanc
Matt LeBlanc-a’n “Friends” tih a chan tirh khan a pualin dollar 11 chiah a nei a, serial chan tura inremna an han ziak meuh chu episode khatah dollar 22,500 a hlawh dawn ta reng mai. An series chan tawp lamah phei chuan vawi khat inlanah dollar maktaduai 1 zet a hlawh phak tawh. A hlawh dawn hmasak ber ni chuan ni danga a chawl phak lohna restaurant changkang takah kalin a ei phak ngai loh, a thil ei chak tak tak hmangin a inhnawh puar a ni.