Mizo film chhuak thar 'Dear Kim' a an Original Sound Track (OST) chuan kar hnih chhung lekin million view a kai a, film OST bikah chuan million view nei rang ber nia hriat a ni. 

Dear Kim OST hi 'Tawnmang' tih a ni a, tun lai artist hit ber pawl Young Fella sak a ni. A satuin a zir bawk a, kar hnih chhung lekin mi maktaduai khat chuangin zet an en nghal der mai. A film siamtute chuan Mizo film OST chhuak tawh zinga million view nei rang ber niin an sawi a, a hit tih loh rual a ni lo. 

Fantasy love story film 'Dear Kim' hi Vanapa Hall, Aizawl leh Saikuti Hall, Lunglei-ah tlangzarh a ni tawh a, Lersia Play App lamah en theihin a awm tawh - episode 3-ah then a ni. Mizo film industry-a mikhual lo tak Jonathan Thangeo chu director a ni a, Isaac Chawngthu leh Zuali Chhangte ten lead role an play a ni.