September 12, 2023; Vawiin chawhma dar 10:45 vel khan Mimbung Sumo (Sang Sang) chu Saichal thlen hma km 2 velah a chesual a, hliam tuar engemawzah an awm.

Saichal atanga ZALEN thudawn danin, Mimbung Sumo ah hian driver nen mi 11 an chuang a, Saitual atanga Saichal thlen hma km 2 bawr velah chesualin, kawng thlangah a tlan liam a, metre 50 vel a lum.

He chetsualna ah hian vanneihthlak takin thi an awm lo a, sumo a chuang zawng zawng te erawhin hliam an tuar.

Hliam tuar zingah ngaihtuahawm deuhte pawh an awm nia thudawn niin, chungte chu Saitual damdawiin panpui an ni.

Sumo hi tukin a Aizawl atanga chhuak niin, hliam tuarte bawihsawm hna hi Saichal khawtlangin an thawk a ni.