Mipui bum chungin MNF-in NDA chhuahsan tum lo -ZPM
Aizawl: Zoram People Movement chuan MNF president leh Chief Minister ni bawk Zoramthanga chu lang leh mai tur leh belhchian tlak loh hmangin Mizo mipuite bum min la tum zel tiin thuchhuah an siam a. "Mipui hma a dawt sawi duh zel mai Chief Minister kan nei hi Pathian anchhia Mizo mipui te chungah a thleng ta mai em ni?,” tiin zawhna an siam.
Budget session bakah MP leh Aizawl West I MLA Bye Election atana a Campaign-ah te, MNF President leh Chief Minister ni bawk chuan ZNP leh MPC Party te chu BJP kaih hruai NDA leh NEDA a tel ve reng leh a hnuah pawh tel ve zel dil thar ang mai a sawiin, lang leh mai tur leh belhchian tlak lo tak a chinchang hre lo zawk a ngaih Mizo mipuite dawt ngialngan tak hmang a bum a la tum zel niin ZPM General Headquarters chuan a tarlang a. “Mipui hma a Dawt sawi bawrh bawrh duh mai zel Chief Minister kan nei hi, Pathian anchhia Mizo mipuite chungah a thleng tan ta mai em ni tih mai tur a ni?” an ti.
Congress kaihhruai UPA in Central leh Mizoram-a Sawrkarna an chelh lai, 2014 ah khan MP inthlan dawn-ah Opposition Party zawng zawng, ZNP, MPC, MDF, MNF te chu tangho in MP Candidate ah Pu Robert Romawia Royte an intawm a. Central ah BJP kaihhruaina in NDA chuan Sawrkarna a lo siamin hemi hnu hian ZNP pawh NDA ah a tel ve ta a. MPC phei chu NDA ah hian an tel lo hrim hrim niin an sawi bawk. . Nimahsela, Uniform Civil Code te, Bawngtalh khap te, Yoga leh thil dang dang kan Kristianna nen a inkalh tlat leh Kristiante nekchep tumna ang zawnga BJP in min kaih hruai tak zel vangin, ZNP chuan tel zelna chi ah ngalovin, BJP leh NDA chu a do a do ngai chi ah a ngai ta tih an tarlalang bawk.
July ni 8, 2016 (Zirtawpni) ah NDA a?angin an inhnukdawk a. Hetiang anih laia MNF President leh Chief Minister lo ni fo tawh thin in ka hre ngai lo a tih chu thil awihawm loh tawpkhawk niin an thuchhuah chuan a sawi.
ZPM Thalai thuchhuah chuan BJP leh a sangawi zawnpui te telna Current NDA member list ah Serial No 16 ah MNF hi chiang takin a hmuh theih niin an tarlang bawk a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024