LUNGLEI-ah : C. LALMUANAWMI; VAIRENGTE-ah : LALREMRUATI Mizorama chapchar kut lawmna pui ber ar lammualah hlawhtling takin neih a ni. item hrang hrang neite an che thain, malzai leh beat group te chuan kalkhawm mipui an chawk phur viau a, lawm an hlawh hle. hetihlai hian, diktawn magazine chuan miss chapchar kut 2015 an thlang a. ramhlun north nula chuan thla tin rs. 1000, kumin chhungin a hlawh chhuak dawn e. Kum kalta te khan Diktawn monthly magazine in an thlan thin — Miss Chapchar Kut — chu anmahni pualin an kal pui a. Kumin atangin an kalphung chu thlak danglamin, a hming tumtu pawh ni mah se an magazine pual tia sawi hleihtheih a ni ta lo. An kalphung thara Miss Chapchar Kut hmasa ber atan H. Vanlalhlimpuii an thlang. Kumin hma zawngin Diktawn magazine chuan Miss Chapchar Kut hi judge hranpa pawh awm chuang loin an thlang mai thin. Amaherawh chu, kumin atangin judge ruatin, mi 13 lai an ni nghe nghe. He judge atana ruatte hian chawhma dar 10 leh chhun dar 1 chhunga Chapchar Kut lawma AR Lammuala kal, Mizo nula tu pawh, Mizo hnam ziarang thuam inbel tawh phawt te chu thur chhuak nghauh nghauhin, he'ng an thur chhuah atanga tha leh tlak nia an ngaihte chu an thlifim leh a ni. Judge te hian tehfung chi hrang hrang hmangin an buk a. An ngaih pawimawh ber chu hmel leh pian bakah nungchang hi a ni a. Chutiang tehfung paltlanga, kumina Miss Chapchar Kut-ah Ramhlun North nula — H. Vanlalhlimpuii chu thlan a ni. H. Vanlalhlimpuii hian Miss Chapchar Kut 2015 a nih manah, kumin chhungin thla tin Rs. 1,000 a dawng ang. Kum khat chhungin Rs. 10,000 a dawng dawn tihna a nih bakah, Washing Machine Kg. 6.2 an hlan bawk ang.