Miss Mizoram 2020 Zirsangpuii chu Miss India thlannaah tel tumin a inbuatsaih mek a, a rual hian Mizo 
nula dang pathumte pawh audition-ah an inlan dawn. 

Miss India tel tur zawnna audition hi April 15 vel hian neih a ni dawn a, online (live) a neih a ni ang. 
Audition hi Miss India buatsaihtute chuan an kalpui dawn a, Zone hrang hrangah then niin Mizoram chu 
Northeast Zone-ah a awm. 

Audition-ah hian state tin atangin mi panga inlan theih a ni a, Mizoram atangin registration (online)ti mi 
pali chauh an awm avangin an vai hian audition-ah an inlan nghal thei dawn a ni. Contestant tamna state-ah 
chuan audition nei thei tur hi mi panga an thlang chhuak dawn a ni.  

Tute nge inlan dawn?
Mizoram aiawha audition nei turte hi - Zirsangpuii, Lalramhlui Sailo, Jennifer Renthlei leh R. Lalhmingchhuangi te an ni. Zirsangpuii Miss Mizoram 2020 winner niin, Lalramhlui Sailo pawh finalist a ni a, Miss Mizoram 2020 atanga mipuiten kan hmelhriat an ni. Jennifer Renthlei leh Chhuangi te erawh Govt. Aizawl College-a zirlai an ni thung. Contestant te hian registration an tih rualin - introduction, catwalk leh talent video te an lo thehlut tawh a ni. 

Audition result hi April 30, 2022-ah puan a ni ang a, Mumbai-ah result hi puan a ni ang. Heta tlingte chi chu Miss India thlannaah an inlan zui thei tawh dawn a ni. State tin hian quota pakhat theuh an neih avangin Miss India thlannaah hian Mizo nula pakhat chu a inlan dawn chiang - tu ber nge tling ang tih chu 
a hriat thuai dawn e.