Zonet buatsaih Miss Mizoram 2017 thlanna chu neih chhoh mek zel niin, finalist te hi Mizo nu ropui hming chhalin team pali (4)-ah then an ni. Miss Mizoram 2017-ah finalist 16 awmin — Khawlkungi, Nuchhingi, Romani leh Ropuiliani team te siamin, team pakhatah hian pali (4) zel an awm a ni. Team Khawlkungi-ah hian Lalbiakhlui, Rody H Vanlalhriatpuii, K. Zirtluangi leh Zothanmawii te an awm a. Anni hi Designer Rempuii Hmar chuan hoin, make0up artist-ah Nuseni an hmang ve thung. Team Nuchhingi-ah chuan Malsawmdawngliani Zote, Catherine Lallawmsangi, V. Lalnunpuii leh Esther Vanlalnunpuii Sailo te an awm bawk a. An designer chu Afaki Hauhnar niin, make-up artist-ah OPi Fanai an nei a ni. C. Vanlalhlupuii, Lalmalsawmi, K. Lalhimpuii leh C. Lalrinchhuangi te chu Team Romani-ah awmin, Vakiria chu desinger atan an hmang dawn a, Jey Vee Jongte chu an make-up artist tur a ni ang. Team Ropuiliani-ah hian Teremi Ralte chu designer a ni a, Aruati Pachuau chu an make-up artist niin — Lalramnghaki, Sharon Vanlalhruaii, Lalnunpuii leh H. Lalchhuansangi te an awm bawk. Finalist-te final atana an inpuahchahna grooming nasa taka neih mek a ni a, personality development hun hrang hrang siamsak an nih bakah, gym lamah an lan nalh lehzual theihna'n exercise an la nasa hle a ni. Miss Mizoram hi Zonet Zawlbukah Thawhlehni leh Zirtawp zan apiangah episode thar tihchhuah a ni dawn a, intihsiakna hmasa ber hi February 13, 2017 khian Photoshoot Round neih a ni ang.