Mizo Film Award 2023 sem zanah Mizo ten artist kan neih that ber berte an perform dawn a, chung zingah chuan Zaii Hauchhum leh Vanlalhmangaiha pawh an tel. 

Zaii Hauchhum hi 'Ka U Liana' film OST 'Ka Chelh Ngam lo che' tih hla satu kha a ni a, award sem zanah a perform bon tak hmuh tur a awm dawn - a chetpui loh ring suh! Mipate star rawn tun lai zaithiam zinga sawm hlawh ber pawl Siampui Ralte a zai dawn bawk. Sihphir nula Siampui Ralte hian MiMi OST 'Ka Hmangaih Ber Che' tih hla kha thiam takin a sa a, he hla hmang hian kal khawm mipui a awi dawn a ni. 

Zaithiam leh lemchan thiam ni bawk, 'Ka U Liana' film-a chang thiam zet mai Vanlalhmangaiha ngei mai kha a zai dawn bawk - a aw that zia leh zaithiam zia sawi nawn a ngai lo. Best OST award dawng thei tura chhawp chhuah zinga mi JH Peka leh Deborah te an la awm cheu a, Young Fella beisei a ni bawk.  

Zai bakah hian lam hmuh nawm tak en tur a awm dawn a, jump rope a thiam em avanga hriat hlawh C. Lalruatdiki (Diktei) a inlan dawn a, Mama Hnamte nen an perform dun dawn a ni. A hmunah mi tam zawk an kal theih nan ticket siam a ni a, Rs. 100/- man niin ZALEN Office, Treasury Square leh TT Arts, Zarkawtah te lei theih a ni.