ZALEN June 29, 2024; Mizo Idol star, zaithiam Deborah VL Hmangaihi pa R. Lalbiaktluanga (41) H/o C Lalzidingi chu heart attack in a boral.

R. Lalbiaktluanga, Lunglei Zotlang hi Beta Sound neitu niin, rimawi lam a thawhhlawk tak a ni a, nizan zanlai dar 12:30 AM khan heart attackin a boral a, vawiin chhun dar 12 ah Rev. Joseph Vanlalruata (BCM) in a vui ang.

R. Lalbiaktluanga hi Zofate zing a zaithiam hriat hlawh chho mek, kum 2022 a Zonet in Mizo Idol an buatsaih a Top 5 zing a mi Deborah VL. Hmangaihi pa niin, intihsiakna buatsaih a nih lai te pawh khan a fanu tan theihtawp chhuahin tan a lak pui thin a ni.