July 24, 2023; NGO Co-Ordination Committee chairman R. Lalngheta chuan, Manipur-a Zo-hnahthlak unaute thlavang hauhna kawngzawh a tel turin Mizo mipuite a sawm a, an tawrhna kan tawrhpui zia tihlan chu kan mawhphurhna a ni tih a sawi.  

Naktuk a kawngzawh turah Mizo mipuite atam thei ang ber kal chhuak turin mipuite a sawm tih ZALEN hrilhin, R. Lalngheta chuan, "An tawrhna kan  tawrhpui zia tihlan na tur leh an thlavang kan hauhna tur a nih avangin, theihtawp a tan la a, ralmuang tak leh tharum tello a thawk chhuak turin Mizo mipuite kan sawm a ni," a ti a, ngenna an lo siam tawh angin, Manipur a Zo-hnahthak nunna chante sunna atan puandum zar vek turin a ngen bawk.

Naktuk kawngzawh hi Aizawl ah chuan chawhma dar 11 atangin Chanmari leh Kulikawn atangin thuang hnihin neih tur a ni dawn a, Raj Bhavan North gate bulah an intawkkhawm ang a. NGO aiawh hrang hrangten thu an sawi ang. Mizoram hmun hrang hrangah NGO huaihawtin kawngzawh a ni bawk dawn a ni.