ZALEN January 14, 2024 : State Bank of India-a Top Executive Grade Scale VIP ni mek LP Lalchangkima (Chka) chu Deputy General Manager-ah a kaisang a, tunah hian Internal Audit Department, Corporate Office, Hyderabad ah a awm mek a ni. Amah hi mizo te zinga Deputy General Manager thleng thei awmchhun a la ni.

1996 a Probationery Officer a SBI a zawm atangin hna pawimawh tak tak a chelh a 2002-ah IT Department, Guwahali ah transfer a ni a, IT Department a a awm chhung hian Branch computerization ah hotute hriat hlawh khawpin a thawk a Bankmaster atanga Core Banking software a migrate naah pawh North East ah a sulsutu pawimawh tak niin Mizoram a SBI branch zawng zawng pawh hi ama hova migrate vek an ni.

2014 ah Patna ah transfer a ni a, A hnathawh that vangin Chief General Manager atangin Gem a dawng hial a ni. 2018 ah Aizawl ah lo let lehin 2019 atangin Mizorama a SBI hotuber Regional Manager a chelh tan a. Covid beihnan theihtawp chhuah in covid dona hmanrua tamtak a hmalakna avangin Sorkarah leh NGO ah te SBI in a hlan a ni.

Aizawi a Regional Mahager anih chhung hian Aizawl Region hi North East ah a thaber te zinga mi a ni a, a hnuaia officer tamtak pawhin promotion an hmuh phah. Aizawl-a a awm theih chhung a tawp tak avangin Jorhat ah Regional Manager tur tho an sawn leh a, hetah hian kumkhat awm hmanin promotion avangin a kalsan leh ta a ni. Jorhat region pawn region thaber zinga mi a ni leh ta zel a ni. Aizawi leh Jorhat a a awm lai hian Regional Manager Category ah chawimawina sang MD Club vawikhat ve ve a dawng a. He chawimawina hian Trophy bakah Cash Award Cheng nuai hnih a keng tel a ni.