ZALEN June 17, 2024; Sawrkar laipui, Ministry of Culture hnuaia peng pakhat, Sahitya Akademi (National Academy of Letters) chuan Bhasha Samman dawng turin Mizo pahnih a thlang. 

Sahitya Akademi chuan Bhasha Samman, Mahni tawng hmasawnna hmasawnna atana thawh hlawkte hnen a hlan thin dawng tur hian Mizo pahnih, Renthlei Lalrawna, Electric veng, Aizawl leh Rozama Chawngthu, Mission Vengthlang te thlan an nih thu leh he lawmman hian pawisa fai Rs. 1,00,000 keng telin remchang hmasa berah President Droupadi Murmu-i'n a hlan dawn tih a tarlang a. Renthlei Lalrawna chu Mizo thuziak lama thawh-hlawk tak a ni tih tarlangin tawnglettu a nih bakah zirna hmasawn nan theihtawp a chhuah thin thu a tarlang a. Tun dinhmunah Gilzom Publication-ah Editor hna chelhin Mizo tawng hmasawn zel nan theihtawp a chhuah thin thu a tarlang.

Rozama Chawngthu chu thuziak lamah Mizote tan thawhhlawh tak a nih thu leh Mizo tawnga lehkhabu tam tak let tawh a nih thute, thawnthu pawh ziak thrin in hun hmasa lamah India President Dr APJ Abdul Kalam chuan zirtirtu tha chawimawina a lo pe tawh tih leh Mizo tawng hmasawn zel nana thawh hlawk tak a nih thu a tarlang bawk.

Mizo zinga dawng hmasa ber chu James Dokhuma niin kum 1998-ah khan a dawng a. B. Lalthangliana’n kum 2014-ah khan a dawng tawh bawk.