ZALEN Janury 10, 2024 : Mizo te'n Reality Show kan neih zinga ngaihhlut hlawh, zaithiam thlanna LPS Youth Icon chu hun engemaw chen chawlh lailawk a nih hnuah kuminah buatsaih a ni leh dawn a, a hun tur la bithliah a n i lo thung.

Youth Icon hi kum 2006 atang khan LPS vision production chuan a buatsaih tan a, kum 2019-a buatsaih a nih leh hnuah erawh chawlh lailawk niin kumin hian a vawi 7-na atan buatsaih leh a ni dawn a, intihsiakna neih hun tur kimchang leh a kalphung tute chu la puan chiah leh tur a ni.

Kum 2019-a Youth Icon buatsaih a nih tum khan Zothanpuii chu Icon atan thlan a ni a, hemi hnua Youth Icon tur hi tunge ni ta ang?. LPS-in kum 4 hnua zaithiam thlanna a buatsaih leh tur hi zai mite tan chuan thu lawmawm tak a ni.

LPS chuan a vawi khat nan kum 2006 khan Youth Icon hi a buatsaih tan a, Mizo zaithiam hriat hlawt tak ni tak Zoramchhani chu Youth Icon hmasa ber a nia . Hemi hnu hian Malsawmtluangi (Ms-i), R.Lalhmangaiha, Lalrempuia, K. Lalthlamuankimi leh Zothanpuii te chu Youth Icon atan thlan an ni tawh bawk.

YOUTH ICON LO NI TAWH TE :

2006 - Zoramchhani

2007 - Malsawmtluangi

2009 - R. Lalhmangaiha

2012 - Lalrempuia

2016 - K. Lalthlamuankimi

2019 - Zothanpuii