February 26, 2024; Mizoram sawrkarin a chhinchhiah danin, Mizoram chhunga raltlan lut tawh zat chu 42,576 an tling.

Budget session kal mek a ziak a zawhna chhan chi a VL Zaithanzama zawhna Home minister K Sapdanga'n a chhan danin, 9.2.2024 thlengin Manipur raltlan Mizoram a lut mi 9,248 an awm tawh a, 3.2.2024 thlengin Myanmar atanga lut 32,161 leh 25.1.2024 thlengin Bangladesh atangin 1,167 an awm tawh.

Myanmar raltlante tan central sawrkar atangin Rs. Vbc. 3 hmuh a ni tawh a, hetihlai hian central sawrkar in biometric leh biographic data hmanga chhinchhiah tura ruahman chu hmalak tan a la ni lo.

Manipur, Myanmar leh Bangladesh atanga Mizorama raltlan lutte chu district hotuten chhinchhiah felin Home Department hnenah an thehlut thin.