DOWNLOAD OUR APP

Read latest news on your phone
app-store
Mizoram CM leh Assam CM te'n Union Home Minister an hmu dun
Nov 28, 2021

Aizawl: Union Home Minister Amit Shah hovin Mizoram Chief Minister  Zoramthanga leh Assam Chief Minister Himanta Biswa Sarma chu Zirtawpni tlai dar 5:00 khan Union Home Minister chenna inah an inkawm.

He an inkawm naah hian thildang tam tak an sawi zingah ramri chungchang sawi telin, dawhkan khat kîl a, harsatna leh buaina tello a sawifel ngei ni se an ti a. CM leh CM level ah a ni emaw, state pahnih ten delegation team insiam ve ve emaw pawhin state pahnihte hi inbiak ni thin se, an ti a. Boruak tha thei ang ber siam ni se an ti a ni.

Chief Minister Zoramthanga chuan Foreign Secretary of India Harsh Vardhan Shringla leh Smita Pant (i/c India's ties with Bangladesh-Myanmar) te nen Mizoram House Chanakyapuri ah inkawmna hun an nei bawk a. Myanmar rambuai avanga raltlan te an en san theih loh thu leh, tanpuina an mamawhzia a hrilh a. Mizoram sawrkar chuan an tan theihtawp a chhuah zel dawn thu a hrilh bawk.

Chief Minister pahnih te hi Union Home Minister in a ruahman angin 25.11.2021 tlai khanthu pawimawh hrang hrang sawiin zanriah an kil dun tawh bawk.

Chief Minister pahnihte chuan state pahnih tana hmasawnna tur thil kaihhnawih hrang hrang an sawiho a. Zoramthanga chuan thil dang tam tak karah Hachhek tlangdunga kuhva hring thar chhuah, a hralhna lama Patharkandi District-a bial thuneitu ten Myanmar atanga lo lut ni a an ngaih avanga an lo hnar sak thin thu a sawi a. Kuhva chinga eizawng Mizo tam tak tan harsatna sutkian sak nan an kuhva hring thar an lo hnar sak thin chu ti tawp thuai turin Assam CM chu a sawipui bawk.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh