Aizawl July 11, 2023: Sports & Youth Services Department leh Mizo Zirlai Pawl (MZP) tangkawp chuan Mizorama District hrang hrang-ah Y-20 Meet on Nationalism, Patriotism & Development Programme an hmang dawn.

Ministry of Youth Affairs & Sports, Govt of India chuan India ram-in G-20 Presidency a chelh chhunga India ram hmun hrang hranga Youth-20 Programmes a hman chhoh mek chu Mizoramah pawh hman a ni dawn. G-20 Secretariat lam hian phalna pe tawhin heng programme te hi thalaite leh zirlaite hnena Mizoram tana ram leh hnam tana hmasawnna thil pawimawh tak tak in zirtirna hun atan Sports Department leh MZP tangkawpte hian hma an la mek a ni. Hun rawn hmang tur hian Mizo zinga mithiam tak tak Speaker-ah ruat an ni.

July ni 14, 2023 (Zirtawpni) chawhnu dar 1:00 ah Vanapa Hall ah Y-20 meet hi Mizoram Chief Minister Zoramthanga chuan a hawng ang. Aizawl leh District dangah Y-20 Meet hi neih chhunzawm zel a ni ang.