August 21, 2023: MLA inthlan kum a ni a, hemi puala lehkhabu buatsaih thawm a awm zeuh zeuh a, party hrang hrang te’n an rin tlan theih tur lehkhabu chu vawiin hian lei theihin a chhuak ta e.

He lehkhabu Mizoram election; results & statistics- vol 2’ KC Lathansanga buatsaih chu vawiin atangin lei theih a ni ta a, lehkhabu hralh kal tak tura beisei he lehkhabu ah hian kum 1972 atanga 2021 thlenga Mizoram MLA inthlan result zawng zawng chip chiar takin dahlan a ni a, kum 2008, 2013 leh 2018 MLA inthlana polling station tina party hrang hrangte vote hmuh dan pawh en theih in a awm.

Hei bakah MLA a tling ngun leh tla ngun deuhte, vote hmu tam leh tlem zualte, tling zawn rei leh tla zawn rei te, MLA candidate te hausak dan leh statistics pawimawh hrang hrang tarlan a ni.

Daifim Print & Publications, Vaivakawn Aizawl neitu Lalremruata Chhangte chuan he lekhabu hi publish in a ma printing press a hian chhut a ni a, printing quality a tha in belhchian ngam tak a ni, phek 320 a chhah niin ₹.300/- man a ni a, Synod bookroom hrang hrang leh Aizawla lehkhabu dawr hrang hrangah lei tur a awm tan ta e.