ZALEN March 12, 2026: XXXII Mizoram Open Athletic Meet 2026 neih zawh takah thil danglam a thleng a, he intihsiaknaah hian naupang kum 10 mi-in medal pahnih a la.

Mizoram Open-ah hian intlansiak-ah category 7-ah men & women intihsiakna a awm a, intihsiakna dang 8 a awm bawk. Heng intihsiakna-a thui intlansiakna 1500 metre leh 3000 metre intlansiakah Lalnunhlui Pachuau d/o PC Lalthanmawia, Tuikual South chuan lawmman pathumna a la ve ve.

Lalnunhlui Pachuau hi tunah hian JC Elementary School-ah kal mekin Class - IV a pass chiah a, Class - V turin admission a ti tawh. PT Usha Academy-ah luh tumin trial ti zo hlim a ni nghe nghe.