ZALEN July 10, 2026: Mizoram Police-te chuan kumin January thla atanga June ni 30 thleng khan ruihhlo vaibelchhe za li sawm pali, nuai sawmruk paruk, sing riat leh sang 6 za li sawmruk leh paruk (Rs 4,14,66,86,466) man chuang an man tawh.

Ruihhlo vang hian thubuai (Case) 2,019 ziah luh tawh niin, ruihhlo kaihhnawih hrang hrangah hian mi 312 an man tawh bawk a. India mi leh sa mi 255 leh rampawn lam mi 57 an ni.

Ruihhlo an man hrang hrangte zingah hian Methamphetamine chu tam berin Kg 315.903 a ni a, a hlut zawng chu cheng vaibelchhe zahnih sawmnga pahnih, nuai sawmsarih pahnih, sing hnih, leh sang li (Rs 2,52,72,24,000) a tling.

Heroin Kg 34.923 manin, cheng vaibelchhe sawmruk pakua, nuaih sawmriat pali, leh sing ruk (Rs 69,84,60,000) man niin chhut a ni. Heng bakah hian Crystal Meth, Ganja, Opium, Morphine, Codeine leh Alprazolam te pawh tam tham tak an man tel a ni.

Mizoram Police chuan ram leh hnam humhimna atana Sawrkar, VC, YMA leh NGO hrang hrang tang hovin ruihhlo do beihpui an thlaknaa theihtawp an chhuahpui thin naah lawmthu an sawi a. Ruihhlo tawlh report kawngah tan lakpui turin Zoram mipuite an sawm thar leh a ni.