September ni 8 a tan tur Mizoram Premier League season 9 chu nizan September ni 1, 2022 khan Robert Romawia Royte, Sports Minister-i'n Dawpui Multipurpose Centre-ah khuhhawnna hun a nei. 

Season 8 thleng an khelh hnuah hripui leng vangin hun rei tak an chawl hnuah MPL season 9 chu khelh tan leh a ni dawn ta a, Rajiv Gandhi Stadium-a khelh tur ni hmasa berah hian chhun dar 12:00-ah Chawnpui FC leh Aizawl FC te an inhmachhawn ang a, chawhnu dar 3:00-ah Chhinga Veng FC leh Mizoram Police FC an inkhel thung ang.

Kickoff hunah hian India ram aiawha khel tawh Jerry Zirsanga'n tie draw hun hmangin Indai International tun hnaia chawl ta Lalhmachhuana (Chhuantea) chuan club tin captain te Thutiam (Oath taking) a neih pui bakah club model ten an club jersey home leh away a hak tur tlangzarhna neiin mipui hmaah an inthehtril a ni. 

MPL 9 hi LocaL Administration Dept.  leh Zote Honda ten an sponsor a ni.