April 26, 2023; Mizoram sawrkar hnuaiah IAS officer 28 an awm mek a, chung zinga 11 te chu hnamdang niin, Mizo hmeichhia IAS officer 7 an awm mek bawk.

DP&AR tarlanin, March ni 7, 2023 angin, Mizoram a IAS officer awm zawng zawng zinga a senior zual pali te chu hnamdang an ni a, Mizo zinga IAS officer senior ber chu Commissioner & Secretary (P&E & Home) H. Lalengmawia (AGMUT:2005) niin, K. Lalthawmmawia (AGMUT:2007), R. Zarzosanga (AGMUT:2007 leh Lalzarmawii (AGMUT:2008) ten an dawt. 

IAS awm mek Mizo zingah mipa leh hmeichhia an inzat thuak a, hmeichhia 7 an awm laiin, mipa 10 an awm. Hmeichhe IAS officer awm mek te chu,  Lalzarmawii (AGMUT:2008), K. Lalrinzuali (AGMUT:2010), Sangchhin Chinzah (AGMUT: 2011),  Zodingpuii (AGMUT: 2011), Dr. Lalhriatzuali Ralte (AGMUT:2013), Ramdinliani (AGMUT:2014), Maria CT Zuali (AGMUT: 2014) te an ni.

Mizo mipa IAS officer awm mek te chu H. Lalengmawia (AGMUT:2005), K. Lalthawmmawia (AGMUT:2007), R. Zarzosanga (AGMUT:2007), R. Lalramnghaka (AGMUT:2009), Dr. LalzirmawiaChhangte (AGMUT:2009), Dr. Lalrozama (AGMUT:2009), V. Lalsangliana (AGMUT:2010), J. Hmingthanmawia (AGMUT:2010), Zorammuana (AGMUT:2012), David Lalthantluanga (AGMUT: 2014) te an ni. 

Hetihlai hian Mizoram sawrkarin Mizoram Youth Commission kaltlang a Super IAS 40 programme hnuaia UPSC Coaching a kaltir mek te chuan Delhi a coaching Academy pathum (3), Vajiram & Ravi, Vision IAS leh ALS ah te coaching course an kal mek a. Vision IAS ah zirlai 19, Alternative Learning System ah 6 bakah, Vajiram & Ravi-ah zirlai 10 an awm a, heng mite hi Mizoram sawrkarin MUC kaltlangin Foundation Course, thla 11 atan full sponsorship pein a kaltir a ni.

Mizoram budget kal mek 2023-24 atan thangtharte zinga lehkha thiam beiseiawm rualte All India Service leh Central Service dangahte an luh theih nana ruahmanna kal mek tihhlawhtlin nan Rs. Nuai 50 dah leh a ni.