ZALEN January 15, 2025 : MNF Thalai chuan Chhimphei Road nikum May 29, 2024-a Remal Cyclone-in a tihchhiatte chu vawiin khan a hmuna kalin an enfiah a, Mizoram Sawrkarin Chhimphei Road kawngpui mai ni lo, chhiat tawkte a ngaithah zia an hmuh chu mipui zah lo naah an ngai tih thuchhuah an siam.

MNYF chuan, "Cyclone Remal-in kawngpui a tih chhiat, a tihbal te vawiin thlenga sawrkarin a ngaihthah a, la siam lo hi zin vei vakte leh ZMC Damdawiin pantute tan a him lo hle a. Chhiatna lian zâwk a thlen leh hma ngeia SASCI Project atanga central sawrkarin sum Rs 13750 Lakh a hmuh tur hi dik takin hmang turin kan phut a. Chhimphei Road ZMC panna kawng pawh hi a rang thei ang bera siam tûrin ZPM Sawrkar kan phut a ni," an ti.

"Remal Cyclone avanga Mizoram Sawrkar in sum tam tak chhiatna tuarte chhawmdawl nan a, a hmuh tur hi tha tak a hmang tur in kan beisei a. Rajya Sabha MP K. Vanlalvena'n July ni 21, 2024-a All Parlamentary leader meeting-a Mizoram harsatna a thlen rah chhuah Remal Cyclone avanga Central tanpuina Mizorama sawrkarin SASCI Project atanga chêng nuai 13750 a hmu hi ropui kan ti a, Rajya Sabha MP K. Vena kan chhuang tak zet zet a ni. MNYF chuan Remal Cyclone avanga chhiat tawk te Mizoram Sawrkarin a tanpuina kawngah kan vil reng dawn a ni," an ti bawk.