May 27, 2022; Mizoram State Central Library ah lehkhabu chi hrang hrang 69,983 awm mekin, nikum chhung khan tlawhtu mi 2,597 an awm a, kumin January-April chhungin tlawhtu mi 1,845 an awm. 

Mizoram State Central Library thawktute hnen atanga ZALEN thudawn danin, Covid 19 hripui len hnuah library tlawhtu an tlahniam nasa a, nikum chhung a tlawhtu mi 2,597 chauh an neih nachhan pawh hrilen vang a ni pakhat.

Mizoram State Central Library ah hian member 7,853 awm mekin, chung zinga mi 1,196 te chu naupang an ni. Kumin chhung bik a library tlawhtu mi 1,845 zing a 1,246 te chu zirlai an ni a, sikul leh college exam dawn ah te a hmun (library) a lehkha chhiar an tam zual thin.

Mizoram State Central Library thawktute chuan an library ah lehkhabu tha ber ber a awm thu leh chung lehkhabu te chu hman tangkai loh atan a uiawm thu an sawi a, naupangte-ah lehkha chhiar tam hlutna leh tangkaina kan tuh a ngaih thu leh lehkha chhiar duhna an rilru ah kan tuh a ngaih thu an sawi.

"A bikin zirlaite tan kan mobile phone ah kan duh ang ang chhiar leh hmuh tur a awm deuhthaw tawh a, chutihrual chuan chung a awm lo, lehkhabu tha tak takte chu chhiar kan intihhmuh a, inzirtir kawngah pawh tan kan lak thar a ngai nasa," an ti bawk. 

Library dinhmun :
1. No. Books -
General/Reference : 46,842
Children's Books : 5,699
Hindi : 17,427
TOTAL : 69,983

2. Members :
(Registered member)
Adult : 6,657
Children : 1,196
TOTAL : 7,853