Aizawl: Mizoram Synod Mission Board hnuaia Mission Field, Tripura chu kum 2 chhung Provisional Synod an nih hnuah Presbyterian Church of India PCI chuan Synod puitling ni turin vawiin hian Naogang Presbyterian Church a hawng dawn ta. Mizoram synod leh PCI hnuaia synod hrang hrang atangin official palai te an kal khawm ang.
Zaipawl pahnih, Mizoram Synod Choir leh KJP Synod Minghi Choir te an zai tura an ni bawk a ni. “He hun hi Mizoram Presbyterian kohhran hote rawngbawlna hlawh tlinna ropui tak a ni a, Kohhran mipuite, Mizoram Synod leh Pathian hnenah lawmthu kan sawi,” tiinTripura field Secrectary Rev. Lalengzika chuan Zalen a hrilh.
Tripura Mission Field-ah hian Missionary leh worker nghet, rawih, sponsor telin 470 an awm a, biak in 128 awmin preaching station 212 a awm bawk a, kohhran member 23,476 an awmbawk.
Hawnna inkhawm hi vawiin 10.30 AM-a neih tur a ni a, Rev. Lalramliana Pachuau-in a kaihhruai dawn a ni.