Aizawl July 1, 2023 : Mi Naran Pawl 'Aam Aadmi Party' chuan Uniform Civil Code chu Mizoram tan a hlauhawm loh niin an sawi.

Nimin khan Aizawl Press Club-ah chanchinbumite kawmin Mi Naran Pawl hruaitute chuan Ningani kaltaa AAP national general secretary in UCC an thlawp thu an sawi chungchang an sawifiah a. Mi Naran Pawl (AAP) hruaitute chuan, “UCC hman chungchang hi sawrkar laipui leh state sawrkar thuneihna intawma awm a ni a. Central hian hman tum mah se state-in a remtih loh chuan hman theih a ni lo a; chuvangin, Mizoram tan chuan a hlauhawm loh a ni,” an ti.

UCC hman chungchangah BJP-in hna tlem zawk leh mi dangte a rawn lo chu an duh lo tih sawiin rawn ngei se an duh tih an sawi a. UCC an thlawp chhan pawh ‘an hmanna tur state-ten an remtih chuan’ tih chauh a nih avangin sakhua leh hnam hrang hrang awmkhawmnaah hian hman a har hle dawn nia an hriat thu AAP Mizoram State President Andrew Lalremkima chuan a sawi bawk.