July 9, 2022; Mizoramah kumin 2022 March thla thleng khan lirthei 3,12,952 a awm a, chung zing a 2,17,389 (69.46%) chu Aizawl district a awm a ni. Lirthei hrang hrang zingah two wheeler tam berin, za a 63.88% a tling phak.

Transport department chhinchhiah danin, Mizoram a lirthei awm zawng zawngah two wheeler tam berin, kumin March thleng khan 1,99,921 a awm a, two wheeler bak ah, car 58,648 awm bawkin, goods carrier 26,196 a awm bawk a, chungte chu Mizoram a lirthei tam zualte an ni. Aizawl district chhungah motor cycle/scooter-used for hire (2wheeler taxi) 3,095 a awm bawk.  

District tinah two wheeler chu lirthei tam ber ni vekin, Aizawl district ah ringawt 1,47,538 a awm a, Lunglei district ah 16,623 awmin, Siaha district ah 3,891, Champhai district ah 7,543, Kolasib district ah 9,859, Serchhip district ah 6,695, Lawngtlai district ah 4,129 leh Mamit district ah 3,643 a awm.

Lirthei awm zat: Kumin March thleng
district        awm zat
Aizawl         2,17,389
Lunglei        27,424
Siaha           8,391
Champhai   16,727
Kolasib        18,125
Serchhip      10,928
Lawngtlai    8,050
Mamit         5,918