DOWNLOAD OUR APP

Read latest news on your phone
app-store

Mizoramah BPL chhungkua 56,584 awm mek; BPL awm lohna khaw 5

Nov 23, 2022

Mizoramah 'BPL (Below Poverty Line) chhungkaw awm zat chu 56,584 niin, chhungkaw awm zawng zawng atanga chhutin za a 19.63 a ni. BPL chhungkua awm lohna khua 5 awmin, chungte chu, Pamchung, Rabung, Tlangmawi, Chawngtlai leh Riangtlei te an ni a, Champhai District vek an ni.

November 23, 2022; Mizoramah Below Poverty Line (BPL) chhungkaw awm zat chu 56,584 niin, chhungkaw awm zawng zawng atanga chhutin za a 19.63 a ni. Hetihlai hian BPL chhungkua awm lohna khua 5 awmin, chungte chu, Pamchung, Rabung, Tlangmawi, Chawngtlai leh Riangtlei te an ni a, Champhai District vek an ni.

'BPL (Below Poverty Line) Baseline Survey 2016' (tuna la hman mek) a tarlan a nih danin, Lawngtlai District-ah BPL chhungkua 13,162 (21.37%) an awm a, BPL chhungkaw tamna ber district an ni. Chhungkaw awm zawng zawng atanga chhut chuan Mamit District a sang ber a, 7,186 (35.64%) niin Champhai District-ah BPL chhungkua an tlem ber a, 2,715 (9.35%) an awm.

Kolasib district a chhungkaw awm zat 19,359 zinga chhungkaw 3,401 (17.57%) te chu BPL chhungkua an ni a, Aizawl district a chhungkaw awm zat 92,779 zinga chungkaw 12,668 (13.63%) te chu BPL chhungkua an ni.

Serchhip district a chhungkua 13,841 zinga chhungkaw 1,770 (12.79%) te chu BPL chhungkua ni bawkin, Lunglei district a chhungkaw awm zat 37,997 zinga chhungkaw 11,437 (30.10%) te chu BPL chhungkua an ni a. Siaha district a chhungkua 13,416 zinga chhungkaw 4,245 (31.64%) te chu BPL chhungkua an ni.

Share now