Kum 3 chuang a liam ta, Mizoram leilung rawn rap a classic rock hmanga an rawn inlanna kha — HIP POCKET chuan Aizawl-ah show an rawn nei leh dawn. Concert-naa kal chuan thut mai mai hi thil har deuh mai a ni; mahse, kan hla by-heart sa a nih lem loh chuan concert 'boring' tak a ni duh viau bawk a. Chutianga i awm lohna'n Hip Pocket chuan Pink Floyd, The Who, Rolling Stones, Van Halen, Scorpions, The Doors hla te hmangin kalkhawm te an awm dawn a, classic rock ngaina tan chuan chutiang band hla te chu hriat loh tur a awm mang mang dawn lo a. Chuvangin, hun nuam tak kan hmang thei dawn tihna a nih chu. Hip Pocket band-in Mizoram leilung an rawn rah hmasak khan, an band chanchin leh tunge nge an nih tih chu kan hre nel nual tawh anga. Berawtlanga show an rawn neih chhimtute tan phei kha chuan hriat loh tur a awm hek lo. Khami tum pawh khan classic rock hla hmangin kalkhawm te an awi hneh viau mai a, kham lo tawkin an show kha neih zawh a nih nghe nghe kha. Anni hi Kolkata-a live music play-na hmun hlun leh lar ber tia chhal ngam — Someplace Else pub (The Park Hotel) atanga mi hriat hlawh an ni a, classic rock band an nihna hi an lar pui fu a. Someplace Else-ah khuan kum tam tak chhung an lo perform tawh a ni. Odyssey Events buatsaihin August ni 16, 2014, zan dar 7:30 atangin a duh apiang tel theihna turin Siby's farm-ah show an nei dawn. Single tan Rs. 200/- a ni anga, Couple tan Rs. 300/- a ni bawk ang.