ZALEN Oct. 1, 2024; September ni 30, 2024 thleng khan Mizoramah lirthei 3,18,191 a awm a, chung zinga nuai 2 chuang chu Aizawl district (DTO Aizawl) a awm a ni. Hetihlai hian Aizawl-ah chuan lirthei intlanchhawk zel a la ni dawn.

Transport dept. tarlan danin, DTO Aizawl (MZ 01) hnuaiah lirthei 2,21,851 a awm a, DTO Lunglei (MZ 02) ah 26,759, DTO Siaha (MZ 03) ah 8,266, DTO Champhai (MZ 04) ah 16,772, DTO Kolasib (MZ 05) ah 17,341, DTO Serchhip (MZ 06) ah 11,135, DTO Lawngtlai (MZ 07) ah 9,601 leh DTO Mamit (MZ 08) ah 6,467 a awm a, nimin (30.9.2024) thlenga Mizorama lirthei awm zawng zawng hi 3,18,191 a tling.

DTO Aizawl-ah lirthei nuai 2 chuang a awm tawh lai hian, Aizawl khawpui chhungah lirthei intlanchhawk kalpui chhunzawm zel a la ni dawn a, hemi chungchang hriattirna pawh hi September ni 29, 2024 khan tih chhuah a ni.