Mizoramin lawmman pathum a dawng

Admin - Nov 21, 2021

Swachh Amrit Mahotsav

Aizawl: Ministry of Housing and Urban Affairs hnuaia Swachh Bharat Mission (Urban)-in kum tina a buatsaih thin India ram khawpui fai endikna, Swachh Survekshan 2021 lawmman semna 'Swachh Amrit Mahotsav' chu nimin khan Vigyan Bhavan, New Delhi ah neih a ni a, Mizoram in lawmman 3 a dawng.

He hun hi President Ram Nath Kovind chuan hmanpuiin, Union Minister, Housing & Urban Affairs bakah Chief Minister thenkhat leh Central Sawrkara mi pawimawh leh State/Municipal Bodies hrang hrang mi pawimawh thahnem tak an tel a ni.    

Swachh Survekshan Award semna inkhawm “Swachh Amrit Mahotsav” ah hian Mizoram chuan India ram khawpuite zinga Municipal body 100 hnuai lam chin (less than 100 Urban Local Bodies) Swachh Survekshan Award semna inkhawmah hian Mizoram chuan India ram khawpuite zinga Municipal body 100 hnuai lam chin (Less than 100 ULBS) category-ah pakhatna (1st Rank as 'Fastest Mover State') award a dawng a, hei bakah hian Lunglei khawpuiin Best City in Citizens' Feedback (50000 to 1 lakh population) in the North East Zone award bakah Biate Urban Town pawhin Best City in Citizens' Feedback (less than 25000 population) North East Zone award a la bawk a ni.

Mizoram aiawh hian H. Lianzela, UD&PA Director leh State Mission Director, Swachh Bharat Mission (Urban) ni bawk leh Swachh Bharat Mission - Urban Mizoram Team te leh Lunglei leh Biate aiawhin District Urban Development Officer te, Town Nodal Officers te bakah town aiawh VCP-ten lawmman hi an dawng a ni.

Kum 2014 atanga India rama Swachh Bharat Mission(SBM) kalpui tan a nih hnuin, he inelna, mipui hlut tak Swachh Survekshan hi India ram khawpuiten faina leh thianghlimna kawnga inelna thianghlim an neih theihna turin kum 2016 atang khan buatsaih tan a ni a. He inelna hi Category hrang hrangah then niin, endikna tehkhawng hrang hrang hmanga endik thin an ni.

Share now