March 28, 2024; Aizawl khawpui a traffic discipline chu hnamdang leh state dangte lak a Mizo hmel ti mawitu a ni a, an fakna thuziak pawh social media lamah hmuh tur a tam hle.

Mizoram tlawh a zin, hnamdang ten a bik takin Aizawl a lirthei chet vel dan chu mak an lo ti fo tawh thin a, a chhan pawh lirthei khalhtuten thuawih taka traffic rules an zawm thin vang leh hawihhawmna an lantir thin vang a ni.

'Silent city' ti hialte in hnamdang ten social media ah an tarlang thin a, overtaking manglo a lirthei che vel thin te pawh mak an tih thu leh 'best discipline' ti hial a an tarlanna thu te social media ah hmuh tur a awm fo thin.

Indaihlo tak chung a traffic police te thawhrimna a fakawm a, an taima a, an rim em em bawk. Sawiselbo chu a awm thei lo ang, mahse, hnamdangte mit hmuh a kan thang a mawi mekna hi thuawihna nen kan chhawm nun zel a pawimawh hle.

Aizawl ang tho in Mizoram hmun dangah pawh he zia hi a awm vek a, kan hmel ti mawitu, rampum ang pawh a entawn kan nih mekna hi i chhawm nung zel ang u.