Aizawl: MJA Lunglei District chuan nimin khan an thing phun samfai leh thing tiak phun belh hnatlang an nei a, Agriculture Minister C. Lalrinsanga chuan he hun hi a hmanpui a ni. 

Hnatlang hmanpuitu Minister C. Lalrinsanga hian thing tiak phunin MJA Lunglei ten thingphun leh a phun sa enkawl ngai pawimawha hnatlang an nei chu lawmawm a tih thu a sawi. "Mizoram mai nilo khawvel huapa kan envioronment buai hian ecological balance nasa takin a tihbuai bakah Agriculture lama hmalakna pawh a ti thuanawp hle a, kan sawrkar chuan thing phun leh einvironment siamthat kawngah nasa takin hma  la a. Ram leilung kawng hrang hranga kan suasam nasat vang hian kan environment a tichhe nasa zual ni," a ti a. Hetihlai kara MJA Lunglei ten hun neilo chunga Environment siamthatna kawnga pawimawh tak thing phun hnatlang an thawk chu fakawm a tih thu sawiin Environment humhalh kawngah leh Save Tlawng ti a, hmalakna kawngah chanchinbumi te chu mipuite zirtirtu pawimawh tak an ni tih hre thar leh turin a sawm.

MJA Lunglei te hian Green Mizoram Day denchhen in kum 6 liamta atang khan Pukpui khaw dai leh Observation Home bul Kawmzawl-ah te thing tiak 30 chuang an lo phun tawh a, heng an thingthenkhatte chu lian tak tak a ni tawh a ni. Hetihlai hian an thing phun thenkhat chu kangmei vang leh leivung paih vangte in a thi nual bawk a, heng an thing phun puitling lo hmunah te leh hmun dangah nimin khan thing tiak engemaw zat an phun belh a ni.