July 4, 2023; Mizoram Kohhran Hruaitute Committee (MKHC) chuan Manipur buaina a lo reha, remna leh muanna a lo awma, hnam hrang hrangte lungrual taka khawi hmunah pawh kan lenza theihna turin mi zawng zawngte Pathian hnenah tawngtaia dil turin an ngen.

Thuchhuah an siamah MKHC chuan, Manipur state-a chi leh chi inkara May 3, 2023 leh a hnu lama buaina chhuak chu pawi anti tak zet tih an tarlang a, sakhaw hmun hmate, biak in leh kohhran bungrua (property) hrang hrang te inzah sak lo taka tihchhiat a ni chu an dem thu leh thleng tawh lo se an tih thu an tarlang.

"He buaina avanga nunna chan tam tak an awm hi pawi kan ti tak zeta, an chhung leh khatte kan tuarpui tak zet a ni. MKHC chuan remna leh muanna a lo awm leh thuaina turin rang tak leh chak taka hma la turin thuneitute, Central sawrkar, State sawrkar leh pawl hrang hrang hruaitute a ngen a ni," an ti bawk.

Kohhran hrang hrang te’n mahni theih ang anga, he buaina avanga in leh lo chante, ei leh bar tlachhamte leh himna zawnga raltlante an chhawm dawl chu lawmawm an tih thu tarlang bawkin, bansan mai lova kohhran hrang hrangte leh tualchhung kohhran te mahni remchan dan leh theih ang tawk tawka chhawmdawl hna thawk zel turin an ngen.

"Kohhran hrang hrang tualchhung kohhran ten mahni remchan dan in July ni 8 emaw ni 9, 2023 hian tawngtaina hun hmang theuh turin kan ngen e," an ti bawk.