‘ Aizawl: MNF MP Official candidate C.Lalrosanga, campaign-a feh chhuak mek chuan hmar tlangdung a tlawk mek a, heng hmuna a thusawinaah MNF ministry duh dan leh ruahman anga kalpui tur MP neih a tul thu a sawi.
C.Lalrosanga chuan, “Mizoramah MNF a sorkar a, project leh scheme thar hrang hrangte central-a bawhzui tur tha tak tak a awm dawn. MNF ministry duh dan leh ruahman anga kalpui tur MP neih a tul a ni. MP ka nih chuan Parliament chhung leh pawnah hmalakna tur tam tak a awm tih ka hria. Kum 40 vel sorkar hna ka thawh chhung khan MP hrang hrangte dawrin experience tha tak ka nei,” tiin a sawi a.
Ramri chungchang bakah kan hnam leh sakhua te humhalh a ngai nia a hriat thu sawiin, “Kan ep lamten CAB-ah MNF an puh chhiatna hi CM pawhin PM leh Home Minister a hmu tawh,” a ti.