Aizawl July 2, 2024 : MNF Thalai chuan Nizan ruahsur nasaa leiminin an in a chhilh avanga Zemabawk High School venga Isak Chhangte kum 32, a nupui Lalrinthari kum 25 leh an fanu Abigail Lalchhanhimi kum 4 ka pawh chhawn lova an boral hi a pawi kan ti a, an chhungte an tuarpui tih thuchhuah an siamah an tarlang.

MNYF chuan, "Ruahsur nasa avanga In leh lo chhia leh a kaihhnawih chhiatna tuartute kan tuarpui a, mi tlawmngai, tanpui ngaite tanpuia hlauhawm kara chhanchhuahna hnathawktute fakawmzia atakin kan hmu leh a vanduai achungah Mizote kan vanneihzia a lang thar leh a ni," an ti.

Tukin zinga chhiattawh thu an hriat veleh MLA zahawm tak takte Lalchhandama Ralte, Robert Romawia Royte, Aizawl Mayor Lalrinenga Sailo, Dy Mayor R. Thanglura te leh AMC Executive Corporator B. Lalawmpuii leh R. Zonunsanga leh bialtu AMC Corporator Vanlalneiha ten a hmun rang taka thlenga tanpuina sumfai leh Silpoline te an pek hlawm avangin MNYF Hqrs te chuan an chhuang hle a ni.