ZALEN July 29, 2023 : Vawiin July 29 khan Synod Committee Room ah MPF Governing Board leh Party hotute'n Inthlan Thawhhona Thuthlung an sawi ho a. Model Code of Conduct puan hma house to house campaign an phal sak.

Thawhhona Thuthlung hman tan hun chu MPF leh Party te'n thuthlung an pawm tlan ho ni February 28, 2023 chu pawm a ni a. 

Hetih lai hian vawiin meeting ah hian house to house campaign chungchang erawh inthlan Model Code of Conduct puan a nih atang chuan tih tawh loh nise tia rel thluk a ni bawk.

Inthlan puan hma chu house to house hi neih theih a ni.

Thawhhona Thuthlung a chuang dang hman hun erawh hman mek ni anga pawm a ni bawk. 

MPF lam atangin Thawhhona Thuthlung chu 'Thuthlung' a nih avangin MPF chauh kenkawh tur nilovin party lam pawhin mawh an phur bawk tih sawi lan a ni a.

Thawhhona Thuthlung a chuang te pawh party te rawtna atanga lo lut tam tak a awm tih sawi lan a ni bawk. 

He hun hi Rev Dr. C Chawnghmingliana, President MPF chuan a kaihhruai a. 

MNF, Congress, ZPM, PC leh BJP atangin Office Bearers leh party aiawh te an kal a ni.