DOWNLOAD OUR APP

Read latest news on your phone
app-store
Monkeypox vei mi 1,600 an awm tawh
Jun 15, 2022

World Health Organization (WHO) chuan thuchhuah siamin, khawvel pumah monkeypox vei mi 1,600 an awm tawh thu an tarlang. Hetianga ram hrang hranga a darh leh tak avang hian WHO chuan international health emergency a ni em tih ngaihtuahin emergency meeting a ko - tun dinhmunah ram 39-ah hmuhchhuah a ni tawh. 

Geneva-a media briefing neihah WHO Chief Tedros Adhanom Ghebreyesus chuan khawvel hmun hrang hrangah monkeypox vei mi 1,600 an awm tawh thu leh, ram 39-ah a darh tawh thu a sawi. Tun hnaiah he hri hi ram 32-ah hmuhchhuah thar a ni a, mi 72 in monkeypox virus kaihnawihah nunna an chan tawh thu a sawi bawk. Hetih rual hian tun hnaia an hmuhchhuah tharna ram zingah thihpui an la awm lo thung a, Brazil-a nunna chan pakhat chu monkeypox vanga thi a ni em tih an zirchian mek thu WHO hotu Tedros hian a sawi a ni. 

WHO Director-General chuan monkeypox chu hrileng danglam bik a nih leh nih loh zirchiang turin International Health Regulations hnuaiah Emergency Committee din a nih thu leh, international health emergency-a puan a nih leh nih loh tur chungchang an ngaihtuah tur thu a sawi. He hri darh tawhna ramahte chuan WHO hian hma a la mek zel a, surveillance, contact-tracing leh isolation te a kalpui mek a ni. 

Monkeypox laka invenna emaw a damdawi hi a huhoa pekchhuah a la awm lo a, zawnghri (smallpox) vaccine chuan monkeypox hi kawng thenkhatah chuan a veng thei niin sawi ni mah se he damdawi hi duh khawp hmuh tur a awm loh thu WHO chuan an tarlang. A damdawi siam chhuah tum hian hma lakna kalpui mek a nih thu an sawi bawk.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh