Aizawl: Vawiin December ni 2, 2022 (Zirtawpni) hian Mizo Hnam Run chhung inkhawmah an General Secretary V.L. Krosshnehzova leh Vanlarawna ten thu an sawi a, Krosshnehzova chuan MP atana IPS atanga kohhchuah bial ngai din nawn ngam ngai mang lo hi a CM a rinawm loh, tiin ZPM Leader Lalduhoma chungchang ni ngei tura ngaihbel theih turin a sawi.

VL Krosshnehzova chuan, "MNF hi Zoram dung leh vang tuamchhuak a establishment nei tha ber kan ni a. Pathian leh kan ram tan, tih thupuia neitu MNF te hi kan nghet a, nationalism-a din a ni a. Sum ngah ngah hmelthatna party a ni ve lo," a ti. 

Zotea chuan, "Kan CM tluka leadership neitha an awm lo. India rampuma mi hriat a ni a. Hetiang mitha CM a kan nei hi kan vannei hle a ni. IPS atanga MP atana kohchhuah, bial ngaia ding nawn ngam ngai manglo hi a CM a rinawmloh. Nula leh tlangval, inhmel duhna vang pawh nei lemlo, chetsual palh vanga innei, mi hmuh lai chauha inngeih te hi an sawrkar a rinawmloh. That loh theih lohna bawm zuartute hi an lo tha thei hauh lo a ni," a ti bawk. 

Thusawitu dang Vanlalrawna chuan, "Social media pian hmaa piang tawh MNF hi party dang nen kan inang theilo a. Tunlai politics chu social media hmanga inkhelhna anih avangin kum lama upa deuh tawh te pawh kan in tuaithar ve zel a ngai tawh a ni. Social media  hman fimkhur a tul hle, WhatsApp ah mahni ngaihdan zawng zawng sawi vek a tul lo. Mahni mawng inhlimna a ni thei. Opposition lam hi a lu nunga thahnem zawk an nih avangin, sawrkar selna leh diriamna a tam lo thei lo a. Pathianin finna leh chakna tha taka a thuam Chief Minister kan nei hi a lawmawm hle a ni," a ti ve bawk.