Aizawl : Mizoram Lok Sabha MP C.Lalrosanga chuan Zirtawpni khan Berawtlang, Aizawla Laithangpuii College of Pharmacy Graduation Ceremony a hman pui a, Pharmacy Diploma pass thar mi 50 te zinga titha zual mi 3 hnenah chawmawina a hlan.

C. Lalrosanga chuan Mizorama Pharmacy College awm chhun aṭanga zirchhuak thar te chu a lawmpuina leh duhsakna hlanin sorkar hna ah an lut emaw emaw, zirna an chhunzawm emaw, damdawi dawr hawnga ei an zawng a nih pawhin anmahni dawrtute laka an mawhphurhna hre reng tur leh damdawi ei dan dik leh a hnathawh dan te hrilhfiah peih turin a chah a. Mizorama damdawi hman thiamna leh hman ṭangkaina awmze nei tak an thlen ngei a beisei thu a sawi.

Laithangpuii College of Pharmacy hi kum nga vel kal ta a Mission Foundation Movement in an din leh Pharmacy Council of India in a hriatpui zirna a ni a. State dang aṭanga zirlai eng emaw zat an awm a ni.