ZALEN July 28, 2023 : MSU chuan vawiin khan Prof. Lalnuntluangi Hmar, College of Veterinary Science & Animal Husbandary (Selesih) Dean an hmu a, College of Veterinary Science & Animal Husbandary a thawk lai te chu zirlai ten harsatna an tawh loh nan Mizoram-ah rawn let tura hriattir turin an ngen.

MSU chuan College of Veterinary Science & Animal Husbandary-a Dean-a Mizo ngei a awm chu a lawmawm tiin, zirlaite tan pawh a thlamuanthlak hle niin an hriat thu an hrilh. College of Veterinary Science & Animal Husbandary-a Meitei thawk lai Mizoram chhuahsante chu Regular Class kal hunah zirlaite’n an zirlaiah harsatna an tawh loh nan class ṭan chat thei turin Mizoramah an rawn let tur a ni, an rawn let hman lo a nih chuan earn leave pe lo a, an kal loh chhung No Work No Pay kalpui turin an ngen.

College of Veterinary Science & Animal Husbandary -a hnathawk lak turah Mizo qualified an awm a nih chuan a tam thei ang ber lak a nih theih nan hma la turin an ngen bawk.