ZALEN August 17, 2023 : Agriculture Director James Lalsiamliana, Mission Organic Mizoram (MoM) Mission Director chuan Tuichangral Organic Farmer Producer Co. Ltd te tharchhuah Lakhuihthei quintal 6 chu Mumbai-a Josie’s Kitchen, North East Cuisines pan turin vawiin khan a vailiam.

Kar hmasa khan Agriculture Minister C.Lalrinsanga chuan lakhuihthei quintal 5 a lo vai liam tawh a. Lakhuihthei te hi Mizoram State sorkar enkawl Mission Organic Mizoram leh Clover Organic Pvt. Ltd. te tangkawpin Central Scheme - Mission Organic Value Chain Development for the North Eastern Region (MOVCD-NER), Phase-III kaltlanga an thawn chhuah a ni.

Lakhuithei vai liamna hun hi Clover Organic Pvt. Limited te buatsaih a ni a. Agriculture Director leh MoM Mission Director kal chhuak ta Dr. H. Saithantluanga leh Lalnunpuii Parte, MoM State Coordinator ten an telpui bawk a ni.