July 26, 2013 ; Aizawl Mosque committee leh Mizoram Muslim Welfare Society hruaitute chuan Mizo mipuiten tanrualna leh inpumkhatna tha an nei chu ropui an ti takzet tih an sawi.

ZALEN in a biak Aizawl a Muslim hruaitute chuan, Manipur Zohnahthlakte thlavang hauh a Mizo mipuite inpekna chu chhuanawm an tih thu leh an thlawp tlat thu an sawi a, an thlawp zia lantir nan nimin kawngzawhah pawh engemawzah an tel ve thu te an sawi.

"Mizo mipuiten party rilru dahbo a inpumkhatna leh inhmangaihna ropui tak, boruak muanawm tak a an lantir thei chu khawvel hmuhah pawh entawntlak a nih thu an sawi.

Hetihlai hian nimin Aizawl bik a kawngzawhah khan mi sing 4 bawr vel tel a ngaih a ni a, hetiang zat a tam kawngzawh hi Mizoram ah a la awm ngai lo nia hriat a ni.