July 19, 2023; Mizoram Youth Commission (MYC) chuan kumin 2023 Super IAS Programme hnuaia coaching kal tur mi 11 a thlang chhuak a, chung mite chu an vaiin mipa vek an ni. 

He thu hi thuthar thehdarhtute hrilhin, MYC chairman Dr. Vanlaltanpuia chuan, kum 2021 leh 2022 a Super IAS 20 leh Super IAS 40 a lo buatsaih tawh te atangin, kumin 2023 hian Super IAS Programme chu kalpul zel tha a ti a, CM zahawm takin budget speech a a lo sawi tawh angin, Mizo thalai Delhi hmuna full sponsorship hmu a kal tur thlanna chu buatsaih a lo ni leh ta tih a sawi.

MYC chairman sawi danin, he exam bei tur hian mi 365 in hming an pe luta, exam hi centres 6 Aizawl, Lunglei, Siha, Champhai, Kolasib, New Delhi ah te buatsah a ni a, July ni 10, 2023 khan screening test exam neih niin, mi 188 in exam hi an hmachhawn a ni. Exam question paper hi VISION IAS hian an en nghal bawk a ni.

Written exam beitute atangin a ti tha mi 40 te chu personal interview hmachhawn tur a koh an ni a, personal interview chu July ni 17 leh 18, 2023 khan MYC Conference Hall, MINECO-ah neih a ni.

Written exam result leh personal interview atanga a ti tha zual mi 11 te chu MYC Super IAS 2023 hnuaia full sponsorship hmua New Delhi-a coaching centre a foundation course kal fura thlan an ni.

Chungte chu :

1. K Lawmsangzuala s/o K. Lalsangvunga, Farm Veng, Lunglei

2. Lalhruaitluanga s/o J. Lalruata, New Ngharchhip, Hnahthial District

3. Vanlalrindika s/o Simlalthanga, Dawrpui Vengthar, Aizawl

4. Vanlalchaka s/o David Lalchawillana, Electric Veng, Lunglei

5. Timothy Lalrinchhana Chinzah s/o Sangliankhuma Chinzah, Lunglawn, Lunglei

6. Andy L Khobung s/o Lalhmingsanga Khobung. Chanmari West, Aizawl

7. PC Lalruatfela s/o FC Vanlallawma, Durtlang Leitan

8. H Lalvenhima s/o H. Lalpianruala, Lawngtlai Vengpui

9. James Rodingliana s/o J Lalhmachhuana, Phunchawng kawn, Tlangnuam, Aizawl

10. James Lalthankhuma s/o Lalhmingthanga Hmar. Taitesena Section. Laipuitlang, Aizawl

11. Lalhlimpuia Renthlei s/o Thomas Lalrammawia, New Capital Complex, Khalla, Aizawl

Heng thianchhuahte hi tun Zirtawpni hian Bond agreement sign pui an ni ang a. Super IAS 40 an lo kalpul tawh dan angin, UPSC Prelims vawi-2 an hmachhawn hma chuan central leh state hnuaia hna te an dil leh exam phalsak an ni dawn lo a ni. A hma thei ang ber in Delhi ah chhukthlak tir tum an ni ang.