DOWNLOAD OUR APP

Read latest news on your phone
app-store

MZI Rimawi Award sem & Music Festival Nov. 24 zanah

Nov 10, 2022

MZI Gen. Headquater hnuaia Library Register te atangin thlan thin Rimawi Award chu kumin hian sem a ni leh dawn. MZI hian MZI Award tiin zaimi te tan Award hi a lo sem tawh thin a, Kum 2021 atang khan Mumal taka sem chhuah nise tiin Rimawi Award tia kalpui a ni a, a tum hnih nan November 24 zan hian A.R. Ground Lammual ah Rimawi Award sem chhuah a ni ang. 

Aizawl ; MZI Gen. Headquater hnuaia Library Register te atangin thlan thin Rimawi Award chu kumin hian sem a ni leh dawn. MZI hian MZI Award tiin zaimi te tan Award hi a lo sem tawh thin a, Kum 2021 atang khan Mumal taka sem chhuah nise tiin Rimawi Award tia kalpui a ni a, a tum hnih nan November 24 zan hian A.R. Ground Lammual ah Rimawi Award sem chhuah a ni ang. 

Award la thei tur hian MZI Library member Mizoram chhung, India ram State hrang hrang leh India pawn Foreign atang te thlanchhuah an ni ang. Award a lang thei te hi October, 2021 atang October, 2022 chhunga MZI Library Register Official Music Video dahlut te atanga thlan a ni ang.

Award hi heng category hrang hrang 20 atangin sem chhuah a ni ang.

1. Artist of the Year Male (Gospel)
2. Artist of the year Female (Gospel)
3. Artist of the year Male (Lengzem)
4. Artist of the year Female (Lengzem)
5. Best New Artist of the year (Gospel)
6. Best New Artist of the year (Lengzem)
7. Song of the Year (Gospel)
8. Song of the Year (Lengzem)
9. Best Duo/Group (Gospel)
10. Best Duo/Group (Lengzem)
11. Best Music Video (Gospel)
12. Best Music Video (Lengzem)
13. Rap Performance of the year (Gospel)
14. Rap Performance of the year (Lengzem)
15. Best Song Writer of the year
16. Non native performance of the year
17. Lenglawng/Folk Artist of the year
18. Artist of the decade
19. Band of the year
20. Best Foreign Artist of the year

Rimawi Award sem hun hi Music Festival nena hman kawp tur a ni a, Ni. 24.11.2022 zan dar 6 - 7:15 PM chhungin Concert neih a ni ang a, 1) B.O.G 2) Gospeli 3) Rinhlui Infimate 4) Henz 5) Zirtluangpuii 6) K.Lalthlamuankimi 7) Smiley 😎 Malawmi Jongte 9) Lalngaihawma 10) Gracy 11) Daniel Lalawmpuia 12) Rody C 13) Lesky Hype, Richie Fanai, Lil Kiki, Addoe Boy 14) SM Bawitlung & Zorema Vanchhawng te an zai dawn a ni. 

Zan Dar 7:30 atangin Award Ceremony hun hman chhunzawm a ni ang a, he hunah hian, Vanlalsailova, Zoramchhani, Lalrinhlui Tlumang, K.C.Hmingtea, 
Duet : Zorema Khiangte & Jonathan Lianhna, Rebecca Lallawmsangi, JH Peka
Duet : Saiwana ft Omomi Khiangte, Duet : Zaii Hauchhum & Vanlalhmangaiha,
Youngfella, Elizabeth Zodinpuii leh Band-ah Magdalene te an che dawn a ni. 

Rimawi Award hi LPS Vision leh Zonet atang Live a pek chhuah a ni dawn a, hemi bakah MZI Official Youtube channel atang live a ni bawk ang. Rimawi Award ah hian Award sem chhuah zan bakah show tum nga TV Programme leh Youtube atang ten siam a ni ang.

Share now