MZP-in Armed Forces Act dodal
Aizawl: Mizo Zirlai Pawl (MZP) chuan sawrkar laipuiin Mizoram leh hmarchhak state dang palia Assam Rifles hnena Armed Forces (Special Powers) Act hmanga thuneihna pek a tum chu theihtawp chhuaha dodal nise an ti.
Nimin chhun khan emergency meeting neiin MZP chuan Armed Forces (Special Powers) Act chu MZP telna North East Students Organisation (NESO) chuan hun rei tak chhung thiat turin India a lo ngen tawh a, chu ngenna chu a ngai pawimawh lo mai ni lova state panga ah Assam Rifles te he dan hmanga thuneihna pek a tum chu MZP chuan na a ti a, he dan hi titawp hlen tur leh thiat turin India sawrkar an phut tih an sawi a. He Act hi Zoramin zalenna a sual laiin India sawrkarin Mizoramah a lo hmang tawh nia sawiin, danin mi man leh mi tihduhdahna phalna a pek angin India sipaiten nasa takin Mizo mipui min lo tiduhdah tawh a. India sipaiten Mizote kutthlaka an duh duh an man te, jail an tantir te, chhek in an hal te, in leh lo an tichhia te, pawngsual thlenga min tihduhdahnate kha Armed Forces (Special Powers) Act hun laia thleng a ni tiin he Act hi khawvelin a pawm lo a, human rights hum tumtu pawl hrang hrangte pawhin rapthlak an ti hle niin an sawi.
MZP thuchhuah chuan he dan an duh lohzia lantir nan India prime minister hnenah lehkha thehluh a, hemi atana ministry of home affairs-in order an chhuah pawh hal an tum niin an sawi bawk a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024