MZU-in East Zone University football thleng dawn
Oct 12, 2014
India khawchhak lama zirna in lian (University) te inelna lian East Zone Inter University Football (Men) Tournament 2014-15 chu Mizoram University chuan a thleng dawn a, October 20-25, 2013 chhung hian AR Ground, Republic Veng filed, 3rd MAP Ground leh Rajiv Gandhi Stadium-ah te khelh a ni ang. Tun tumah hian University 44 te chuan an tel tur hi an tichiang tawh a, fixture te pawh tihchhuah a ni tawh.
Tun tum hi Mizoram University-in East Zone Inter University Football (men) a thlenna hmasaber a ni a, intihsiaknaah team tel tur te hi Pool 4 a then niin pool tinah hian University 11 zel awmin, intihsiak hmasa lama semi-finalist pali, Ranchi University, Burdwan University (West Bengal), West Bengal State University leh University of Calcutta te chu seeded-ah dah an ni a, anni hi pool final khel tur sa an ni a, an pool a team 10 dang te hian pool final luh hi an inchuh ang. Mizoram University hi Pool A-ah awmin October 20 khian KIIT University, Bhubaneshwar nen an match hmasaber an khel ang. Tun tuma tel team 44 te hian All India Inter University Football (men) Tournament khelh an inchuh dawn a, East Zone a semi-finalist pali te chiah he intihsiaknaah hian an inlan thei dawn a, All India University Football (Men) Championship hi LNIPE, Gwalior chuan December 29, 2014 - January 3, 2015 khian an thleng ang.
Mizoram University hi All India University Tournament-ah hian tum thum inlan tawhin 2008, 2008 leh 2010-ah te khan East Zone atang hian an qualify a ni. 2008 East Zone University Football (M) Tournament, Tripura University-a nghah tum hian champion niin hemi kuma All India Inter University Tournament, Goa University-in an thlen tum khan an champion zui bawk. 2008 khan East Zone champion an ni leh a, All India Inter University Tournament lamah erawh quarter-final an paltlang zo lo a, Coimbatore University lakah an tlawm. 2010 khan Ranchi University-a East Zone Inter University Tournament nghah a nih tum khan pahnihna an ni a, hemi kumah hian All India University tounament lamah quarter-final an paltlang zo lo leh a, Jabalpur University lakah an chak zo lo leh a ni.
All India International Tournament hi football mai bakah infiamna chi hrang hrang, Archery, aquatics, Volleyball, badminton leh a dangah te hmei-chhia leh mipa ten inlena an hmachhawn thin a, Basketball, Cricket, Football leh Hockey bikah hian mipa ten inelna hi an hmachhawn thin. East Zone hian December 19-22, 2015 inkar hian MG Kashi University, Varanasi-ah Basketball-a inelna an nei ang a, Hockey hi January 16-21, 2015 hian MG Kashi University, Varanasi vek hian thleng leh dawn a, cricket hi neih hun tur tak hriat theih a la ni lo thung. Inelna hi kum tin huaihawt thin a ni.
Tun tum hi Mizoram University-in East Zone Inter University Football (men) a thlenna hmasaber a ni a, intihsiaknaah team tel tur te hi Pool 4 a then niin pool tinah hian University 11 zel awmin, intihsiak hmasa lama semi-finalist pali, Ranchi University, Burdwan University (West Bengal), West Bengal State University leh University of Calcutta te chu seeded-ah dah an ni a, anni hi pool final khel tur sa an ni a, an pool a team 10 dang te hian pool final luh hi an inchuh ang. Mizoram University hi Pool A-ah awmin October 20 khian KIIT University, Bhubaneshwar nen an match hmasaber an khel ang. Tun tuma tel team 44 te hian All India Inter University Football (men) Tournament khelh an inchuh dawn a, East Zone a semi-finalist pali te chiah he intihsiaknaah hian an inlan thei dawn a, All India University Football (Men) Championship hi LNIPE, Gwalior chuan December 29, 2014 - January 3, 2015 khian an thleng ang.
Mizoram University hi All India University Tournament-ah hian tum thum inlan tawhin 2008, 2008 leh 2010-ah te khan East Zone atang hian an qualify a ni. 2008 East Zone University Football (M) Tournament, Tripura University-a nghah tum hian champion niin hemi kuma All India Inter University Tournament, Goa University-in an thlen tum khan an champion zui bawk. 2008 khan East Zone champion an ni leh a, All India Inter University Tournament lamah erawh quarter-final an paltlang zo lo a, Coimbatore University lakah an tlawm. 2010 khan Ranchi University-a East Zone Inter University Tournament nghah a nih tum khan pahnihna an ni a, hemi kumah hian All India University tounament lamah quarter-final an paltlang zo lo leh a, Jabalpur University lakah an chak zo lo leh a ni.
All India International Tournament hi football mai bakah infiamna chi hrang hrang, Archery, aquatics, Volleyball, badminton leh a dangah te hmei-chhia leh mipa ten inlena an hmachhawn thin a, Basketball, Cricket, Football leh Hockey bikah hian mipa ten inelna hi an hmachhawn thin. East Zone hian December 19-22, 2015 inkar hian MG Kashi University, Varanasi-ah Basketball-a inelna an nei ang a, Hockey hi January 16-21, 2015 hian MG Kashi University, Varanasi vek hian thleng leh dawn a, cricket hi neih hun tur tak hriat theih a la ni lo thung. Inelna hi kum tin huaihawt thin a ni.
Latest News & Chhiar Hlawh
-
5m | Aug 02, 2026 -
2m | Aug 02, 2026 -
2m | Aug 02, 2026 -
2m | Aug 02, 2026